بسم الله الرحمن الرحيم
هذه الكلمات البسيطة وجدت نفسي ادندنها واحببت ان يزداد صداها بين اصدقائي المدونين وهيا كانت لواحد متشدد فكريا ودينيا ومنسيتش حبايب قلبي حلالين العقد والسيكاوات ... طبعا اكيد الكل عارف مين هما السيكاوات
هيا اسمها هما مين واحنا مين
طبعا مع الاعتذار التام لحبيبنا الشاعر العظيم احمد فؤاد نجم واللى اقتبست منه اسم القصيده وطريقته الجميله وطبعا مش معني كه انى بقارن بينه وبيني شتان بين النجم والشمس :)
هما مين واحنا مين
هما شلة دباحين هما وجهه وشكل حلو للدكاترة والمعيدين هما رسمة بايخة ساقمه هما حبة قش هما نكتة بايخة
واحنا نور الشمس وضياها اللى غطي
احنا كلمة وفكر يعلى احنا بسمه رسمه جوه قلب العاشقين احنا شمس بنورها تدلى كلام متين احنا شوكة جوه جوف المخبولين
احذف لتنسف
مانت نكرة وحرف علة ولا تقدر تفوت يا فلةا لا وانت تقول أمين
أمين ع اللى ماسكين ومتمسكين قول امين ع الديابا المنفوخين وقول يا سلطه زبادي مين يعملك مين ؟ يبقي بسطرمة ولا بطيخ ولا قرنبيط طول ما احنا خل وبزراميط
وببكي عليك يا قلم كل كلمة منك تنكسر وكل فكره تندبح بدون مناقشة بدون علام خش دبح شيل وفسح وانسي حتى تقول آمين
ع الكلام ع الغرام على كل دمعة تتنزف بين السطور على كل حق بيتسلب على كل كلمة بتحسسك انك جبان
خش قول اى كلام مش كلام فارغ ونام قول اجل قول نعم قول حتى لا اى حاجه حتى تثبت انك بشر ممكن يعيش ممكن يكون قد حضر
واوعى تنسي سبلي كلمة من جوه قلبك متخلنيش اعيش احسن انى بتوجع من نبض قلبي بكره الجبن اللى فيك اللى خلاك فى وشي تبتسم ومن ورايا تتمد اديك وترمي كلامي اللى خلاك تبات تلالى
يا ليالى الجهل ولى واتركي عقلى يفيض مش كفاية انه يمسح كلامي ولا هو ناسي انه خل انه فل انه بزراميط ولا ناسي انه كرسي من الكراسي الى ياما خدله دق من عيون الوطاويط
وختاما نفتح المزاد ع الفكر اللى جاد بس فاض ع الجهل وزاد مين يقول انا اشتريه فكر حر وكام هتدفع ولا اقولك..... هيا شيفت ودليت راح تلاقي الجهل زاد
طول ما فيه الاخ فاضل المناضل اللى قال فى كلامي فكر فارغ يا فوارغ ع اللى زادع اللى عاد وزود جهل العباد وبرمج عقولهم وقوي فضولهم بتوبوا صلوا تاكلوا لحمة وتغمسوا شيش بفته
فاسمعوا مني هذا البيان الذي فى الماضى ولي وانكتب والذي من افعاله انه قد كان انى انسحب من جهل زايد مستحيل انى انغلب على امري بين جيش الجهل وعباده الكتير مستحيل انى انزف انى اقول كفاية مستحيل
هذا كلامي المستباح لكل عشاق الفكر فى ضوء الصباح انا الشمس ابتلع ظلام الليل وابذغ بنور النهار وفكري ليس من بين انيابي ولا لحية لمارد جبار ان كنت جاهل فابتعد عن نور فكري علك تنجو من بين نور النهار وتغريد العصافر وبقايا الصياح
يبقي هما مين واحنا مين احنا حبة مخبولين احنا زيف مستوردين احنا نستاهل تليفون صغير هيا رنه واحده كفاية وتلمنا فى مستشفي المجانين تكمــــل التسميات: أدب |
غصب عنك هتضيفني 
لو عاوزني اتك هنا 
shams
كلماتك زجلية معبرة
وبحب انا اول الانسان الشاعر
لما يعبر عن احاسيس الناس
ومشاكلهم
وانت فعلا عبرت
بشكرك جدا