مختارات من أقوال أينشتاين وانا سواح فى عالم النت وقعت ايدي على بعض الاقوال للمعلم إينشتاين عمنا وعم الشعب فحبيت احطها ( الكلمات طبعا يا عسل ) كلامي انا اللى بالاحمر
الشيئان اللذان ليس لهما حدود، الكون و غباء الإنسان، مع أني لست متأكدا بخصوص الكون। الراجل ده شكله نزل مصر
أهم شيء أن لا تتوقف عن التساؤل. تعمل عبيط يعني
أجمل إحساس هو الغموض، إنه مصدر الفن والعلوم. شوفت ياعم عشان تبقي تغمض لما ابقي عاوز .....
كل ما هو عظيم وملهم صنعه إنسان عَمِل بحرية. زي ايمن نور ونعمان جمعه والزمر
إذا لم يوافق الواقعُ النظريةَ، غيِّر الواقع. يعني شالوا الشعب وجابوا دستور
الجنون هو أن تفعل الشيء مرةً بعد مرةٍ وتتوقع نتيجةً مختلفةً. وش عشان كده احنا فى مصر
الحقيقة هي ما يثبُت أمام إمتحان التجربة. زي اللى بيحصل عند حبايبنا الوحشين
يستطيع أي أحمقٍ جعل الأشياء تبدو أكبر وأعقد, لكنك تحتاج إلى عبقري شجاع لجعلها تبدو عكس ذلك. زي اللى حصل فى العبارة وقصر الثقافة وقلعة الجحش ..قصدي قلعة الكبش
الخيال أهم من المعرفة. اهو احنا بقي لا لينا فى ده ولا ده ، يينفعش الفول حياة ابوك
الحقيقة ليست سوى وهم، لكنه وهم ثابت. بقاله 24 سنه
يبدأ الإنسان بالحياة، عندما يستطيع الحياة خارج نفسه. تصيع يعني
أنا لا أفكر بالمستقبل، إنه يأتي بسرعة. ايه ياباشا شكلك مجربه ولا ايه
من لم يخطئ، لم يجرب شيئاً جديداً. داحنا هنتسلق فى جهنم
العلم شيءٌ رائعٌ، إذا لم تكن تعتاش منه. والله لا علم ولا غيره انت اخرك تدورها عشان تقدر تتعايش
سر الإبداع هو أن تعرف كيف تخفي مصادرك. تلبس بوكسر واسع يعني
العلم ليس سوى إعادة ترتيبٍ لتفكيرك اليومي. ده لو بتفكر اساسا
لا يمكننا حل مشكلةٍ باستخدام العقلية نفسها التي أنشأتها. عشان كده غيروا الدستور
الثقافة هي ما يبقى بعد أن تنسى كل ما تعلمته في المدرسة. اكيد قصدة على الكليه
المعادلات أهم بالنسبة لي، السياسة للحاضر والمعادلة للأبدية. هو فيه اكتر من المعادلات فى عيشتنا يا معلم
إذا كان أ= النجاح . فإن أ = ب +ج + ص. حيث ب=العمل. ج=اللعب. ص=إبقاء فمك مغلقاً. وبالطريقة دي تضمن تكون الاول على كراسي البورصة
كلما اقتربت القوانين من الواقع أصبحت غير ثابتة، وكلما اقتربت من الثبات أصبحت غير واقعية. تخيل بقي هيا ثابته بقالها 24 سنه
أنا لا أعرف السلاح الذي سيستخدمه الإنسان في الحرب العالمية الثالثة، لكني أعرف أنه سيستخدم العصا والحجر في الحرب العالمية الرابعة. على كده بقي وسط البلد حصل فيها عشورتميت حرب رابعه
اثمن ما في العالم هو الحدس او الفكرة اللامعة. لامعه زي قرعة عبدالسلام بتاع ايديال زانوسي
الامر الوحيد الذي اسمح له بالتدخل في علمي وابحاثي هو معلوماتي وثقافتي الخاصة. زي ثقافة الفجل والورور والجرجير اللى عندنا
العلم بدون علم اعرج, والدين بدون علم اعمى. ومصر بدون قمع يبقي لف وارجع لورا
انا لست موهوب, انا فضولي. وانا مش فضولى انا لامؤاخذه
اذا عشت مرة اخرى لاخترت ان اكون مواسيرجي. اه يا قليل الادب
بين الماضي والحاضر والمستقبل ليس هناك سوى وهم في تفكير العقل البشري..اذا لاحظتم ان - الاوقات الحزينة نشعر بها انها طويلة بينما الايام الفرحة تمر كالدقيقة- وهذه هي النسبية. زيي لما كنت استغفر الله العظيم - سامحني يا رب فى امتحان الـ Metallurgy الوقت خلص وانا بكتب اسمي
افضل عادة سيئة صامتة عن فضيلة متكابرة. هو فيه احسنمن الصمت وتشغيل العنب العنب فى اللحظات الحرجه
العقل البديهي هو هبة مقدسة, والعقل المعقول هو خادم مثمر..لقد اختلقنا مجتمع يحترم الخادم وينسى الهبة المقدسة. معاك حق يا عمنا دلوقتى شوف الخدامة بتاخد كام
كل الديانات, الفنون والعلوم متفرعة على نفس الشجرة. شجرة التوت اللى فى حوش كليتي
النسبية تعلمنا الرباط او العلاقة بين الاوصاف المختلفة لشيء ما مع الحقيقة ذاتها. يعني ايه وجه الشبه بين المزه الموزه والمزه الكلبوظه
قدر رجل العلم المعاصر قدر مأساوي فهو يبغي الحرية و يصبو إلى الاستقلال ، لكنه بجهوده الخارقة صنع الوسائل نفسها التي تتيح استعباده و تنفي ذات نفسه فعليه أن يسمح لممثلي السلطة السياسية بوضع كمامة على فمه . ليه يا عمنا هو فيه حد عملها ولا ايه ؟؟
وفى النهاية بنقول الله يرحمك يا عمنا التسميات: رأي |
يا سلام..على فكرة انا من عشاق دماغ الراجل ده..لان الراجل ده عبقري بجد و دماغه عالية اوي اوي..و الاقوال بتاعته ديه جميلة اوي و الاجمل منها تعليقاتك انت اللي ارفقتها مع كل مقولة..سلام