::: دوامة ::: دوامة مراكبنا .. تقلبنا تكركبنا .. واحنا فيها غرقانين

ساعات الواحد لما يلاقى انه تعبان يجري يستخبي عن عيون الناس وياخودله ريست مع نفسه تحت البطانية ويلعب مع عقلة لعبة استغماية

حد فيكم جرب قبل كده يلعب مع نفسه استغماية

طب حد فيكم عرف ازاى هيستخبي من نفسه ...ولا ازاى هيلاقيها !! طيب نفترض ان الواحد تاه منه نفسه وملقهاش يا تري هيبقي فيه أمل انه يلاقيها ؟؟

وتلك هي المأساة

دوامة بتدور بتاكل كتير وتقلب كتير وتغرق كتير بس يا تري فيه امل ؟

انا بقي الفترة اللى فاتت كنت تعبان من حاجات كتير اهمها السكوت والصبر او التباطؤ ..مش لانى مش عاوز اتكلم لا ..لانى كان عندي امل ان الحياة تبقي بمبي

فكرت كتير قررت كتير عملت ثوري وقدت نفسي وقومت ونفضت البطانية وبصيت فى المرايا وبرقت اووي بصراحة اتخضيت ...بقي بالذمة ده شكل بني أدم !!

دانا شايف الافكار عماله تتدحلب جوا دماغي وانا ولا عارف دي جايه منين ولا موديانى على فين .

قولت اعمل عبيط واشغل نفسي فى اى حاجه وجريت اعمل فيها عمنا اينشتاين وادور على احدث الاكتشافات والاختراعات عشان اشغل نفسي فيها ..
بس للأسف ..اللى يتجرح من حاجه صعب انه يتجاهلها

حبيت اه انا حبيت،صدقت اه صدقت، ضحيت..كتير جدا ضحيت بس ايه النتيجة يا بيه ؟
النتيجة ان جنابي مش عارف عاوز ايه :)

ده بقي تعريفه المنطقي ايه ؟؟
فراغ ؟

لأ طبعا طيب ما هو جنابي بياخد على قفاه كل يوم وكل قفا بيبقي اصعب من اللى قبليه
على فكره انا بدأت اثق فى ان المشكلة فيا انا
انى بعرف افكر :)
وشايف ان الحل الوحيد انى ابقي عبيط فعلا او مجنون عشان مفكرش
بفكر فى حاجات كتير

بهرب منها لكنها حالف تلاتين يمين ما تسبني

قولت حاجات منها كتير هجرني لانهم شايفين انى جرئ او عاوز ههههههههههههههههه
وربنا احنا شعب مزجانجي :)

ها يا تري فيه امل للحالة دي